Etorri Bergarako kartzela zaharrera eta gozatu musikaz familian!
Anuncios
Archivo de la categoría: albisteak
martxoak 1 asanblada eta tapoi fest junior!
Igande honetan haur eta gurasoentzako tapoi fest berezia antolatu genuen, karaoke eta guzti! Epo itai itai e!, sorgiña piruliña!, Eskuetan, Sarri sarri, negoa joan da eta… izan genituen taulagainean.
Asanblada egin bitartean Elor eta setik dana prestatu zuten karaokerako eta haur eta gurasoak taulagainean eta azpian ere dantzan ibili giñen. (Batzuk dantza gutxi!… baina bueno!).
Ikasturteko azken asanblada.
Ikasturteko azken asanblada geneukan deituta uztailaren 5ean. Oraingoan familia gutxi elkartu ginen (ur jolasak ere alde batera utzi genituen) eta hau baliatuz eta asanbladako kide den Uxueren gonbita onartuz bere baserrira igo ginen. Bertan lasai hitz egin genuen.
Datorren ikasturtera begira ideia eta funtzionatzeko modu ezberdinak aztertu genituen, ideia ezberdinak bota genituen belar gainera, mahairik ez geneukan eta…
Datorren ikasturtean gogotsu bagaude eta beharra ikusten badugu berriro elkartuko gara kartzela zaharrean egin ditugun bost asanbladei jarraipena emango diegu eta bidea egiten jarraituko dugu! Bitartean ondo pasa oporrak!
Gaztetxeko 14. urteurrena. Haurrak ere gaztetxean!
Gaztetxeko urteurrenean.
Gaztetxeko 14. Urteurrenean egitarau polita antolatu dute gazte asanbladakoek. Ekainaren 15erako haurren eguna ere antolatu zuten eta Kartzela zaharrean elkartzen garen guraso asanbladarekin hitz egin zuten eguna antolatzeko. Goizean txikientzako ekintzak (gure kontu) bazkaria eta arratsaldea gazte asanbladak antolatuko zuela esan ziguten.
Egun polita izan da gaurkoa. Goizean familia ugari bildu gara goiko kondearen parkean; betiko jolasak egin ditugu, jauzgailuarekin jolas batzuk egin eta urarekin busti dira txikienak! Eguraldi ederrarekin gustora ibili gara txiki eta helduok! Parke hau gehiago erabili behar dugu! Leku magikoa da!
Bazkari ederra prestatu digute asanbladakoek, menu gaztetxeroa; makarroiak eta solomoa piparrekin. Postre: Yogurra!
Kafea eta gero aurpegia margotu diogu elkarri, ipuin kontalaria ere izan dugu eta ginkana berezi bat ere egin dugu gaztetxean zehar.
Amaitzeko, Txapa irratira joan gara, inoiz egin den irratsaiorik gazteena egin dugu, abestu, txisteak barreak… baduzkagu etorkizuneko esatariak!!
Egun berezia izan da gaurkoa, kartzela zaharrean egun guztia pasa dugu familian. Gazte asanbladakoak eta haur eta guraso asanbladakoak elkarrekin. Haurrak primeran pasa dute baita gurasook ere! Eskerrik asko gazte asanbladari!
Asanblada sortu da!
Hiru asanblada egin ditugu oraindik. Asanbladak nola egin ere asmatzen gabiltza, haurren parte hartzea oraindik helburua da eta ez errealitatea, baina bidea hasi dugu eta ez da gutxi!
Hiru asanblada hauetan 6-8 familia elkartu gara, hitz egin dugu gai ezberdinen inguruan eta haurrentzako eta haurrekin ekintzak egin ditugu. Kartzela zaharreko patioa kolorez bete ditugu! ipuinak , jolasak eta margoak izan dira protagonista asanblada guztiak eta gero!
Blog honetan asanbladen kronikak ikusteko aukera izango dituzu, egiten ditugun ekintzen argazki batzuk…eta poliki-poliki atal ezberdinak sortzen eta elikatzen ere joango gara.
Gurasotasunaren ingurukoak, interesgarriak iruditzen zaizkigunak, bideoak, gomendioak, asanbladako familia eta parte hartzaileok idatzitakoak.
Asanblada berezi honek bideari ekin dio, blog hau bidelagun izango du, ea zer irteten den!
